სოციალურ ქსელში „ხალხის ძალის“ წევრი დავით ქართველიშვილი და ზესტაფონის საკრებულოს წევრი „ქართული ოცნებიდან“, დავით მიქაბერიძე (1, 2) (დაარქივებული ბმული) და სხვა Facebook-ანგარიში, საპროტესტო აქციიდან ფოტოს ავრცელებენ, აღწერით: „ეპილაციის ყველაზე ორიგინალური რეკლამა, რაც კი ოდესმე შემხვედრია…”რუსული” არ უნდა იყოს, ალბათ ევროპულია“. ფოტო TikTok-ანგარიშების მიერაც გავრცელდა (1, 2). სინამდვილეში, ფოტო რედაქტირებულია. საპროტესტო აქციაზე ქალს რეალურად ჩანთაზე ეწერა: „ცეცხლი ოლიგარქიას“.
27 მარტს რუსთაველის გამზირი პროტესტის 120-ე დღეს კვლავ გადაიკეტა. საპროტესტო აქციაზე გადაღებული ფოტოები ონლაინმედია „ნეტგაზეთმა“ გამოაქვეყნდა. პოსტში რამდენიმე ფოტოა, მათ შორის ერთ-ერთზე ქალია ჩანთით, რომელზეც დატანილია წარწერა: „ცეცხლი ოლიგარქიას“. საგულისხმოა, რომ მედიის ლოგო მოგვიანებით გავრცელებულ რედაქტირებულ ფოტოზეც ჩანს.
ამდენად, სოციალურ ქსელში გავრცელებული ფოტო რედაქტირებულია და აქციის მონაწილეების დისკრედიტაციას ისახავს მიზნად.
