სახელმწიფო უწყებები, ყოველი წლის ბოლოს, მილიონობით ლარის ღირებულების მსუბუქ ავტომობილს ყიდულობენ, რაც უკვე დამკვიდრებული პრაქტიკაა. იგივე ტენდენცია შეინიშნება აჭარის ა/რ რესპუბლიკისა და მუნიციპალიტეტის წარმომადგენლობითი თუ აღმასრულებელი ორგანოების შემთხვევაშიც. მაგალითად, „ფაქტ-მეტრის“ მიერ 2022 წელს გამოქვეყნებული კვლევის თანახმად, აჭარაში, 2019 წლიდან 2022 წლის სექტემბრის ჩათვლით პერიოდში, რესპუბლიკური თუ ადგილობრივი თვითმმართველი ერთეულების საბიუჯეტო სახსრებით, ორმოცდაერთი ახალი ავტოსატრანსპორტო საშუალების, მათ შორის, პიკაპებისა და ჯიპების, შესყიდვა 2 356 959 ლარით დაფინანსდა.
Geofact-მა გადაწყვიტა, გაგაცნოთ, რამდენი ახალი ავტომობილი დაემატა ავტონომიური რესპუბლიკის მთავრობის აპარატის, უმაღლესი საბჭოს, სამინისტროების, მათი საქვეუწყებო დაწესებულებებისა და აჭარის მუნიციპალიტეტების ბალანსზე არსებულ მსუბუქ სატრანსპორტო საშუალებებს 2023-2025 წლებში.
აჭარის უმაღლესი საბჭოს ოთხ ავტომობილზე, რომლებიც ამ წელს შეიძინა, Geofacts-მა უკვე დაწერა. 218 000-ლარიანი ხელშეკრულება გაფორმებულია „სენა ავტოსთან“, რომელმაც შემსყიდველს II კლასის მაღალი გამავლობის ოთხი ახალი მსუბუქი ავტომობილი უნდა მიაწოდოს. რაც შეეხება 2023-2025 წლის შესყიდვებს, დეტალური ინფორმაცია მოცემულია ცხრილ 1-ში.
ცხრილი 1. აჭარის ა/რ მთავრობის აპარატის, უმაღლესი საბჭოს, სამინისტროების, მათი საქვეუწყებო დაწესებულებებისა და აჭარის მუნიციპალიტეტების მიერ 2023-2025 წლებში შესყიდული მსუბუქი ავტომობილების რაოდენობა და ღირებულება (ლ)
| შემსყიდველი | ავტოსატრანსპორტო საშუალება |
რაოდენობა | ჯამური ღირებულება, ლ |
შეძენის წელი |
შენიშვნა |
| აჭარის უმაღლესი საბჭო | Kia Sportage | 5 | 327 000 | 2023 | CON220000629-00038 |
| CHERY TIGGO 7 | 4 | 218 000 | 2025 | NAT250018183 | |
| აჭარის მთავრობის აპარატი | Kia Sportage | 2 | 130 800 | 2023 | CON220000629-00021 |
| მაღალი გამავლობის მსუბუქი ავტომანქანა | 3 | 258 660 | 2025 | შერჩევა-შეფასება | |
| Skoda Kodiaq | 1 | 118 125 | 2025 | NAT250010525 | |
| აჭარის ფინანსთა და ეკონომიკის სამინისტრო |
KIA SPORTAGE | 1 | 65 400 | 2023 | CON220000629-00060 |
| KIA SPORTAGE | 2 | 130 800 | 2023 | CON220000629-00005 | |
| აჭარის ტურიზმისა და კურორტების დეპარტამენტი |
Kia Sportage | 1 | 65 400 | 2023 | CON220000629-00006 |
| აჭარის საავტომობილო გზების დეპარტამენტი |
MITSUBISHI | 6 | 415 998 | 2025 | NAT250016309 |
| Mitsubishi L200 | 3 | 184 038 | 2023 | CON220000418-00042 | |
| აჭარის ჯანდაცვის სამინისტრო |
Kia Sportage | 2 | 130 800 | 2023 | CON220000629-00034 |
| აჭარის განათლების სამინისტრო |
Kia Seltos | 1 | 68 272 | 2023 | CON220000632-00001 |
| Mitsubishi L 200 | 1 | 61 346 | 2023 | CON220000418-00034 | |
| აჭარის სპორტის დეპარტამენტი |
MITSUBISH L | 1 | 61 346 | 2023 | CON220000418-00068 |
| აჭარის ახალგაზრდობის რეგიონული ცენტრი |
FIAT DUCATO (მიკროავტობუსი) | 1 | 130 000 | 2023 | NAT230010607 |
| აჭარის კულტურის სამინისტრო |
შერჩევა-შეფასება | 3 | 241 695 | 2025 | NAT250020904 |
| Hyundai | 1 | 66 220 | 2025 | NAT250017002 | |
| აჭარის სოფლის მეურნეობის სამინისტრო |
CHERY TIGGO 7 | 2 | 102 402 | 2025 | NAT250014300 |
| CHERY TIGGO 7 | 3 | 151 230 | 2023 | NAT250014299 | |
| Kia Sportage | 1 | 65 400 | 2023 | CON220000629-00013 | |
| Kia Sportage | 1 | 65 400 | 2023 | CON220000629-00004 | |
| Renault Duster | 2 | 108 000 | 2023 | CON220000630-00001 | |
| აჭარის გარემოს დაცვისა და ბუნებრივი რესურსების სამმართველო |
CHERY TIGGO 7
|
1 | 51 201 | 2025 | NAT250014293 |
| აგროსერვის ცენტრი | MITSUBISH ECLIPSE CROSS | 1 | 50 572 | 2025 | NAT250014684 |
| ბათუმის მერია | FIAT TIPO 1.6 P | 3 | 115 416 | 2023 | CON220000425-00063 |
| FIAT TIPO 1.6 P | 2 | 76 944 | 2023 | CON220000425-00061 | |
| ბათუმის რესურსცენტრი | Renault duster | 1 | 58 500 | 2023 | NAT230022818 |
| ბათუმის კულტურის ცენტრი | Hyundai Elantra | 1 | 41 850 | 2023 | CON220000408-00016 |
| ბათუმის საბავშვო ბაღების გაერთიანება |
KIA Niro | 1 | 72 100 | 2024 | NAT240014915 |
| ბათუმის დრამატული თეატრი |
FIAT DUCATO (მიკროავტობუსი) | 1 | 124 650 | 2023 | NAT230008375 |
| ბათუმის გამწვანებისა და ლანდშაფტური დაგეგმარების სამსახური |
FIAT DUCATO (მიკროავტობუსი) | 1 | 129 900 | 2023 | NAT230008341 |
| ქობულეთის მუნიციპალიტეტი |
FIAT TIPO 1.6 P | 3 | 115 416 | 2023 | CON220000425-00076 |
| Renault duster | 2 | 108 000 | 2023 | CON220000630-00073 | |
| ხულოს მუნიციპალიტეტი | Kia Seltos | 1 | 68 272 | 2023 | CON220000632-00032 |
| Renault Duster | 1 | 54 000 | 2023 | CON220000630-00031 | |
| Mitsubishi L200 | 1 | 61 346 | 2023 | CON220000418-00032 | |
| ხულოს საბავშვო ბაღების გაერთიანება |
Mitsubishi L200 | 1 | 61 346 | 2023 | CON220000418-00053 |
| ხულოს რესურსცენტრი | CHERY TIGGO 7 | 1 | 53 370 | 2025 | NAT250018749 |
| ქედის რესურსცენტრი | MITSUBISH ECLIPSE CROSS | 1 | 54 885 | 2025 | NAT250018696 |
| ქედის მუნიციპალიტეტი | Renault Duster | 3 | 162 000 | 2023 | CON220000630-00049 |
| Kia Sportage | 1 | 65 400 | 2023 | CON220000629-00017 | |
| ქედის ბაგა-ბაღების გაერთიანება |
Renault Duster | 1 | 54 000 | 2023 | CON220000630-00065 |
| ქედის სასპორტო სკოლა | MITSUBISH L200 | 1 | 61 346 | 2023 | CON220000418-00079 |
| ქედის კულტურის ცენტრი | Renault Duster | 1 | 54 000 | 2023 | CON220000630-00053 |
| შუახევის მუნიციპალიტეტი | Renault Duster | 2 | 108 000 | 2023 | CON220000630-00033 |
| Kia Seltos | 1 | 68 272 | 2023 | CON220000632-00009 | |
| ხელვაჩაურის მუნიციპალიტეტი |
Renault Duster | 5 | 270 000 | 2023 | CON220000630-00018 |
| ხელვაჩაურის რესურსცენტრი | CHERY TIGGO 7 | 1 | 56 000 | 2025 | NAT250016318 |
წყარო: სახელმწიფო შესყიდვების სააგენტო
შენიშვნა: რამდენიმე ხელშეკრულება გაფორმებულია 2022 წლის დეკემბრის ბოლოს, ავტომობილები მიწოდებულია 2023 წელს.
ცხრილში შეტანილია სახელმწიფო შესყიდვების სააგენტოს გვერდზე მოძიებული შესყიდვები, რომლებიც განხორციელდა ელექტრონული და კონსოლიდირებული ტენდერებით. Geofacts-ის დათვლით, 2023 წლიდან მიმდინარე პერიოდის (2025 წლის 3 დეკემბერი) ჩათვლით, აჭარის უმაღლესმა საბჭომ, მთავრობის აპარატმა, სამინისტროებმა და სამინისტროების საქვეუწყებო ორგანიზაციებმა, ჯამში, 3 268 100 ლარის ღირებულების პიკაპები, სხვა II და III კლასის ავტომანქანები და რამდენიმე მიკროავტობუსი შეიძინეს. უმაღლესმა საბჭომ და მთავრობის აპარატმა, თითოეულმა, 500 000 ლარზე მეტი ღირებულების ახალი ავტომობილი იყიდა (აქედან ერთი შესყიდვა შერჩევა-შეფასების ეტაპზეა). ორივე მათგანის ავტოპარკს წელს 4-4 ახალი ავტომობილი დაემატა.
საინტერესო გარემოებაა, რომ 118 125-ლარიანი Skoda Kodiaq-ი აჭარის მთავრობის აპარატმა მიმდინარე წლის 27 ივნისს, „ქართული ოცნების“ მიერ მთავრობის თავმჯდომარედ სულხან თამაზაშვილის დანიშვნიდან ორ თვეში, ჩაიბარა.
საანგარიშო პერიოდში, ახალი ავტოსატრანსპორტო საშუალებები შეისყიდეს მუნიციპალიტეტების მერიებმა და მუნიციპალურმა ორგანიზაციებმა. დაფინანსების წყარო, უმეტესად, ადგილობრივი თვითმმართველი ორგანოს ბიუჯეტია, თუმცა რამდენიმე შესყიდვა, მაგალითად, რესურსცენტრებისთვის ავტოსატრანსპორტო საშუალებების, ასევე – ბათუმის დრამატული თეატრისთვის მიკროავტობუსის შეძენა, აჭარის რესპუბლიკური ბიუჯეტიდან დაფინანსდა. ექვსივე მუნიციპალიტეტის მერიებისა და ამ მუნიციპალიტეტებში მოქმედი ორგანიზაციებისთვის შესყიდული ავტომანქანების ჯამური ღირებულება 2 მილიონ ლარს აჭარბებს.
2023 წლიდან 2025 წლის ნოემბრის ბოლომდე, აჭარის ავტონომიური რესპუბლიკის, ასევე მუნიციპალიტეტების ბიუჯეტებიდან, ავტოსატრანსპორტო (აქ არ იგულისხმება სპეციალური ტექნიკა) საშუალებებისთვის გახარჯულია 5 მლნ 400 ათას ლარამდე (შეგახსენებთ, რომ რამდენიმე ხელშეკრულება გაფორმდა 2022 წლის დეკემბრის ბოლოს, შესყიდვის ობიექტი მიწოდებულია 2023 წელს). საუბარია, ჯამში, 86 ავტომობილზე, რომლებიც ამ ორგანოებმა, უწყებებმა და ორგანიზაციებმა სამ წელიწადში შეიძინეს. გარდა ამისა, თითოეული ორგანოსა თუ უწყების ბალანსზე ათობით ავტომობილია, რომლებიც შესყიდულია (ან გადაცემული) 2023 წლამდე. აღნიშნული ავტომობილების საწვავის, ტექნიკური მომსახურების, დაზღვევის, რეცხვისა და სხვა საჭიროებებისთვის, დამატებით, მილიონობით ლარი იხარჯება.
